"Ang Nakikita kong Bukas" Mula sa Mata ng ating mga Bata

Ang nakikita kong bukas para sa lahat ay peace. Dapat magkasundo talaga tayo para walang away, gulo, at problema. Ang susunod kong nakikita na bukas ay positive. Gusto ko na positive lahat ang sinasabi ng mga tao tulad ng, “Wala ng Corona Virus sa Buong Mundo!” Kase makasaya ang positive sa akin, unlike negative at kahit may problema ang mga tao ay gumagaan ito kapag sinasabing positive. Ang ika-tatlo kong nakikita na bukas ay healthy environment. Gusto ko na walang kalat kahit saan at gusto ko din na walang mga tao na magtatapon kahit saan. Ang ika-apat kong nakikita na bukas ay no world war. Gusto ko na walang bansa ang may away-away. Katulad ng peace, dapat tayo ay magkasundo para wala rin gulo. Ang ika-lima kong nakikita na bukas ay no virus. Gusto ko na walang kakapit na virus sa buong mundo at gusto ko din na malusog ang mga tao. Makakamit natin itong lahat kung tayo ay magtutulong-tulong para sa ikauunlad sa ating kinabukasan.

Ako ay isang estudyante, estudyanteng nangangarap na makapagtapos ng pag- aaral, naghahangad ng magandang kinabukasan. Pero paano nga ba natin ito maabot? Ang sagot, lalaban tayo at sama-samang aangat laban sa kahirapan. Nasa atin na lamang kung paano natin ito pagyayamanin at pauunlarin kaya tayo nang kumalap ng kaalaman at hubugin ng tama ang ating sarili. Pag-aaral ang magiging solusyon tungo sa magandang kinabukasan. Kailangan ang sikap at tiyaga at paghirapan ang bawat bagay na ang kapalit ay kaginhawaan. Kaya tayo bilang mga anak, bilang isang estudyante, suklian natin ang bawat pagsasakripisyo ng ating mga magulang, pati na rin ng ating mga guro, bilang pagrespeto sa pagpapahalaga ng mga ginagawa nila para sa ating mga bata. Gawin nating inspirasyon ang bawat isa, sa bawat pagtaas ng kamay sa klase, sa bawat pag tayo sa harapan ng klase, sa bawat pagsusulit na ating sinasagutan at ika nga nila sa bawat hirap may kapalit na ginawa. Edukasyon ang susi at pinakamahalagang bagay para makatulong sa ikauunlad ng ating bayan. Kaya habang may pagkakataon mag-aral, pilitin nating makapagtapos para sa ikauunlad ng ating buhay. Ilang pag-aaral na rin ang nagpapatunay na ang sapat at de kalidad na Edukasyon ay kailangan ng isang bansa tungo sa kaunlaran. Tayo nang mag-aral tungo sa magandang kinabukasan

Limang milyong katao na ang apektado dahil sa coronavirus at maraming nagtatanong kung anong mangyayari sa atin. Umabot na sa apat naraang libong katao ang namamatay dahil dito ngunit humigit kumulang dalawang milyon naman ang nakaligtas. Makakaligtas ba tayo sa epidemyang ito? Sa tingin niyo uubusin ba talaga tayo nito? Ganito ang mga nasa isip ng mga matatanda sa ngayon. Parang takot na takot sa di mawari kung ano ang kanilang gagawin. Sa mura kong isipan, napaisip tuloy ako. Ano nga ba ang magiging bukas natin? Hanggang kailan kaya ito matatapos? Namimiss ko nang bumalik sa paaralan, makipaglaro sa mga kaklase’t kaibigan. Namimiss ko na ring makipagkulitan sa iba ko pang mga pinsan. Ang mura kong edad ay parang napalitan na ng edad ng matatanda kapag mag-isip at ganito ang laman nito sa mga nangyayari ngayon.

Malaki ang posibilidad na may magandang bukas tayong kakaharapin kung sa ngayon pa lang ay sumunod tayo sa mga ipinag-uutos ng nakakataas. Palawakin pa natin ang ating isipan sa pag intindi sa mga nangyayaring parang isang palabas sa pelikula. Nakikita ko sa aking isipan ang pagbalik ng lahat sa dati. Ang dahan dahang pagbukas ng lahat ng mga establisyemento, ang pagbalik ng mga tao sa normal na pamumuhay, at higit sa lahat ang pagbubukas ng klase. Nandoon pa rin ang pag-iingat para hindi na maulit ang nangyari. Nakikita ko ring lumuwang ang pamumuhay ng bawat pamilya, mas naging masipag ang gobyerno sa pagtulong sa mga ito.

Virus ka lang, mga mamamayan kaming nagkakaisa at matatalo ka namin. Lahat ng problema kayang malusutan kung nagtutulungan at nagkakaisa ang bawat isa. Hindi kakayanin ng ating gobyerno na mag-isang labanan ang epidemya, kailangan nila ng tulong natin. Sa pakikipagtulungan ng bawal pamilya kahit ano pang virus na dumating mananalo at mananalo tayo, kaya laban lang.

Ang AHA Eskwelang Pamilya ay isang libreng text-based Facebook school na sinimulan ng AHA Learning Center para sa mga mag-aaral sa pampublikong paaralan sa panahon ng COVID-19. Sa halip na sa loob ng classroom tulad ng ating nakasanayang paraan ng pagkatuto, dadalhin ang lessons sa pamamagitan ng Facebook Groups at Free Facebook Messenger.